RC Makalla Awashukuru Tosh Cargo kwa Kuunga Mkono Kampeni ya Usafi DSM

Posted on: July 21st, 2022

RC Makalla Akiongea wakati akipokea Msaada wa Vifaa vya Usafi katika viwanja vya DMDP Mnazi Mmoja

- Atoa Wito kwa Wadau kuchangia Vifaa vya Usafi.

- Awahimiza Wananchi kujitokeza Jumamos ya Julai 30 kwenye Usafi wa Barabara kuu za Mkoa.

- TOSH CARGO waahidi kumuunga mkono kwenye Kampeni ya SAFISHA PENDEZESHA DAR ES SALAAM.

 Mkuu wa Mkoa wa Dar es salaam Mhe Amos Makalla leo amepokea Vifaa vya Usafi kutoka Kampuni ya usafirishaji ya TOSH ambayo imejitolea kuunga mkono Serikali katika Kampeni ya SAFISHA PENDEZESHA DAR ES SALAAM.

Akipokea Vifaa hiyo RC Makalla ameishukuru TOSH CARGO kwa kuguswa kutoa msaada huo na kutoa wito kwa Wananchi na Wadau mbalimbali kujitokeza kwa wingi kutoa msaada wa Vifaa vya ili kulifanya Jiji kuwa safi na la kuvutia.

Aidha RC Makalla ametoa wito kwa Wananchi kujitokeza kwa wingi Julai 30 kwenye Usafi wa Barabara kuu za Mkoa huo huku akibainisha Mpango wa kutenga baadhi ya maeneo kwaajili ya Ujenzi wa (Fountains) ikiwemo sehemu za (round about).

Pamoja na hayo RC Makalla amesema kwa *mwenendo na mwamko mzuri ulioonyeshwa na Wananchi ni wazi kuwa Dar es salaam itakwenda kutoka nafasi ya sita kwa Usafi Barani Africa na kushika nafasi za juu zaidi.

Kwa upande wake Mkurugenzi Mtendaji wa Kampuni ya TOSH CARGO Mohamed Nassor amesema kampuni hiyo itaendelea kushirikiana na ofisi ya Mkuu wa Mkoa katika jitiada za RC Makalla za kuifanya Dar es salaam kuwa safi.

Vifaa vya Usafi vilivyotolewa na TOSH CARGO