RC Makalla Apokea Ujumbe Kutoka Chuo Cha Ukamanda na Unadhimu Daluti - Arusha

Posted on: October 11th, 2021

- Afurahishwa na ujio wao wa kujifunza dhana ya maendeleo endelevu ya Viwanda DSM

- Awahakikishia usalama, asema DSM ni sehemu sahihi ndio lango la Kibiashara

- Abainisha namna Mkoa wa DSM unavyojipambanua katika nyanja ya Viwanda

- Brigedia Generali Sylvester Ghuliku ampa KONGOLE  RC Makalla pamoja na zawadi

Mkuu wa Mkoa wa Dar es Salaam Mhe Amos Makalla leo Octoba 11, 2021 amepokea ujumbe kutoka Chuo cha Ukamanda na Unadhimu Duluti - Arusha, Tanzania ukiongozwa na Kaimu Mkuu wa Chuo cha Ukamanda na Unadhimu Brigedia Generali Sylvester Ghuliku

Ujumbe huo umepokelewa na Mhe Makalla pamoja na Katibu Tawala wa Mkoa Bwana Hashim Rugwa na kupata wasaa wa kufanya mazungumzo katika Ukumbi wa Anatoglo Mnazimmoja - Ilala, Dar es Salaam.

Wakati wa Kujitambulisha Brigedia Generali Sylvester Ghuliku alitambulisha timu ya makamanda alioambatana nao, wakiwemo wazawa na wengine wanafunzi kutoka mataifa rafiki kama Kenya, Uganda, Burudani, Malawi, Egypt, na Rwanda ambapo amebainisha lengo la ujio wao ni ziara mafunzo katika nyanja ya Maendeleo endelevu ya Viwanda Mkoa wa Dar es Salaam.

Mhe Makalla akiongea na ujumbe huo amesema Dar es Salaam ni Mkoa wa Kibiashara una viwanda vingi, ni lango, Bandari kubwa iko hapa, kufanya ziara DSM ni sehemu sahihi.

" Tumeendelea kuvutia wawekezaji kwa kuboresha mazingira ya Kibiashara ikiwemo kuwa na One Stop Center, kuboresha miundombinu, Kuwa na kodi rafiki, Kuondoa urasimu, kuboresha Bandari ya DSM na hilo ni mpongeze sana Rais Mhe Samia Suluhu Hassan " Alisema Mhe Makalla

Mkuu wa Mkoa amesema wakiwa katika Mkoa wa DSM watapata fursa ya Kutembelea EPZA ambapo watajionea viwanda vingi ambayo vinazalisha bidhaa zinazopelekwa nje ya nchi.

Mhe Makalla amebainisha Mkoa huu unajipambanua kwa kuwa na Viwanda vingi vya aina mbalimbali na bidhaa anuai zinazalishwa kwa kuwa maendeleo ni "Process" siku za usoni hata magari yatazalishwa hapa.

Aidha Mkuu wa Mkoa amesema Dar es Salaam ni Salama ujumbe huo kuja Dar es Salaam utajifunza mengi na kwa wale makamanda wa mataifa jirani wakirudi kwao anaamini watakuwa mabalozi wazuri wa maendeleo endelevu ya Viwanda Tanzania hususani Mkoa wa Dar es Salaam.

Brigedia Generali Sylvester Damian Ghuliku amempa KONGOLE Mkuu wa Mkoa Mhe Amos Makalla pamoja na kumkabidhi zawadi mbalimbali kama kumbukumbu kwake.