RC Makalla Ahimiza Uhamashishaji Zaidi Maonyesho ya Sabasaba

Posted on: September 23rd, 2021

- Ashauri TanTrade kuandaa maonesho ya Saba Saba Mikoa ya Mipakani

- Asema itasaidia kupanua masoko ya bidhaa za kitanzania nchi jirani

Mkuu wa mkoa Dar es salaam Mhe.Amos Makalla ametoa wito kwa Mamlaka ya Maendeleo ya Biashara Tanzania (Tantrade) kuongeza hamasa katika Maonesho ya Kimataifa yanayofanyika Kila mwaka maarufu kama Sabasaba .

Mhe.Makalla ametoa wito huo ofisini kwake leo Septemba 23, 2021 wakati akipokea ujumbe kutoka Tan Trade ukiongozwa na Mkurugenzi   Mkuu wa TanTrade  Bi.Latifa Hamisi aliyeongozana na wataalam lengo likiwa ni kumshirikisha mkuu wa Mkoa juu ya Maonesho ya Viwanda yanayotarajiwa kufanyika mwezi Disemba mwaka huu.Mbali na Maonesho hayo Mkuu wa Mkoa pia alishauri Mamlaka kuandaa maonesho mbali mbali katika Mikoa ya mipakani lengo likiwa ni kuongeza huduma na masoko kwa nchi jirani.

Ifahamike kuwa Mamlaka ya Maendeleo ya Biashara Tanzania (TanTrade) ndio wenye jukumu la kuhakikisha bidhaa zinazozalishwa Nchini zinapata masoko ya ndani na nje ya nchi.

ReplyForward