Posted on: April 22nd, 2024
-Asema wengi tumeguswa na msiba huo lakini pia ni funzo kwa jinsi ya kukaa vizuri na watu ukiwa hai.
Mkuu wa Mkoa wa Dar es Salaam Mhe Albert Chalamila leo April 22,2024 ameungana na mamia ya wakazi wa Mkoa huo katika kuaga mwili wa aliyekuwa mtangazaji nguli wa Clouds FM marehemu Gardner Habash katika viwanja vya Leaders club Kinondoni Jijini Dar es Salaam.
RC Chalamila amesema marehemu alijipatia umaarufu kutokana na ucheshi wake pamoja na namna yake ya utangazaji.
Aidha RC Chalamila amesema wengi tumeguswa na msiba huo pia tumeachiwa funzo katika maisha yake akiwa hai namna ambavyo aliishi pamoja na kukaa vizuri na watu " msiba huu ni wetu sote na sisi viongozi wa Serikali tunaungana nanyi katika Kipindi hiki kigumu" Alisema RC Chalamila.
Sambamba na hilo RC Chalamila amesema mtangazaji huyo amewaliza wengi wakiwemo wasanii mbalimbali wa mziki, viongozi hata watu wa kawaida ndio maana tunaona umati wa watu katika viwanja hivi vya Leaders
Ofisi ya Mkuu wa Mkoa
Anuani ya Posta: S.L.P. 5429
Simu ya mezani: +255 22 2203158
Simu ya mkononi: +255 22 2203156
Barua pepe: ras@dsm.go.tz
