RC Chalamila Ahitimisha Ziara ya Siku 3 Segerea Wilaya ya Ilala

Posted on: May 30th, 2024

-Amshukuru Rais Dkt Samia Suluhu Hassan kwa uwekezaji mkubwa katika nyanja mbalimbali ndani ya  Wilaya hiyo

-Mamia ya Wananchi wafurika viwanja vya Kimanga kutoa kero zao

Mkuu wa Mkoa wa Dar es Salaam Mhe Albert Chalamila leo Mei 30, 2024 amehitimisha ziara yake ya siku tatu ya kutembelea, kukagua miradi ya maendeleo na kupata fursa ya kuongea na wananchi kupitia mikutano ya hadhara

Katika ziara yake ndani ya majimbo matatu ya Wilaya ya Ilala leo amehitimisha ziara katika Jimbo la Segerea ambapo amekagua mradi wa Kiwanda cha Metro Steel Kiwalani, Ujenzi wa Ghorofa shule ya Sekondari Minazi mirefu, Kituo cha Afya Kinyerezi, barabara ya Tabata bima pamoja na mkutano wa hadhara katika uwanja Kimanga.

RC Chalamila akiwa katika kiwanda cha Metro Steel kinachozalisha nondo amemuhakikishia mwekezaji kuwa Serikali itaendelea kuboresha mazingira kwa wawekezaji ili kuvutia uwekezaji kwa masilahi mapana ya makuzi ya uchumi wa Taifa

Aidha RC Chalamila akiwa katika shule ya Sekondari Minazi mirefu amesema katika Mkoa huo ujenzi wa madarasa sasa utakuwa wa Ghorofa Ili kutumia vizuri Ardhi kwa kuwa haiongezeki.

Vilevile Mhe Mkuu wa Mkoa amepongeza ujenzi wa Kituo cha Afya Kinyerezi ambacho kwa sehemu kubwa kimekuwa msaada mkubwa kwa wakazi hao.

Sanjari na hilo RC Chalamila amesikiliza kero za wakazi wa jimbo la Segerea ikiwemo kero ya barabara, elimu, masoko, na  Ardhi na kuzitolea ufafanuzi hapohapo

Kwa upande wa Mkuu wa Wilaya ya Ilala Mhe Edward Mpogolo amemuomba Mkuu wa Mkoa Mhe Albert Chalamila kupeleka shukrani za dhati kwa Mh Rais Dkt Samia Suluhu Hassan kwa upendeleo mkubwa katika uwekezaji wa nyanja mbalimbali ikiwemo elimu, Afya, na miundombinu, pia ameahidi kutekeleza kwa wakati maagizo na maelekezo yake