RC Chalamila Afanya Ziara Shirika la DDC

Posted on: January 4th, 2024

 -Ataka kulijua Shirika hilo na namna linavyoendeshwa

- Ajione miradi iliyopo katika Shirika hilo na kusisitiza dhana ya "PPP" katika uendeshwaji wake

-Aeleza uwepo wa utayari wa ubomoaji jengo la DDC Kariakoo

- Awaonya watakaothubutu kuharibu miradi yote hiyo

- Kwa upande wake Meneja Mkuu wa Shirika la DDC Bw.Ally Mirambo aahidi kutekeleza yote aliyoagizwa

Mkuu wa Mkoa wa Dar es Salaam Mhe. Albert Chalamila leo Januari 03, 2024 amefanya ziara katika Shirika la DDC ili kulifahamu zaidi sambamba na kuona namna gani shirika hilo linavyoendeshwa ambapo alieleza kutokuridhishwa kwake na namna shirika hilo lisivyofuata protokali katika utendaji wake wa kazi na kulitaka kufuata Sheria na taratibu zilizowekwa ili kuepuka usumbufu unaoweza kujitokeza

RC Chalamila amejionea miradi  iliyopo katika Shirika hilo ikiwemo Maduka, Ukumbi wa Mikutano, Bar, Vyoo vya kukodi, Public garage, Eneo la Magomeni, na Mlimani City ambapo ameelezwa namna Maeneo hayo yanavyotumika na kusema kuwa lazima iwepo "Public Private Partnership" katika uendeshwaji wa miradi hiyo ili kuleta tija kubwa zaidi kwa Shirika hilo

Aidha, Mkuu wa Mkoa ameeleza kuwa wananchi wanapaswa kuwa tayari kufuatia ubomoaji wa jengo la DDC Kariakoo ili lijengwe jengo litakaloleta tija zaidi ambapo alisisitiza uwepo wa ramani yenye win win situation na kukazia suala la kutanguliza falsafa ya Uzalendo kwanza

Mhe. Chalamila amewaonya wale wote watakaothubutu kuharibu miradi hiyo hatua Kali za kisheria dhidi yao zitachukuliwa sambamba na kusisitiza uwekaji Mzuri wa vitu vyote ikiwemo pesa

Kwa upande wake Meneja Mkuu wa Shirika la DDC Bw.Ally Mirambo amekili kupokea maelekezo yote yaliyotolewa na RC Chalamila na kuahidi kuyafanyia kazi