RC Chalamila Afanya Ziara Jimbo la Kibamba

Posted on: February 23rd, 2024

- Akagua miradi, asikiliza Kero na kuzitatua papo hapo

Mkuu wa Mkoa wa Dar es Salaam Mhe Albert Chalamila Februari 23,2024 amefanya ziara katika Wilaya ya Ubungo jimbo la Kibamba ambapo alikagua miradi ya Barabara Kibamba- Mpigi magohe, kuweka jiwe la msingi Shule ya msingi Mpakani, na kufanya Mkutano wa Hadhara katika eneo la stop Over kimara.

RC Chalamila akiwa katika mradi wa Barabara ya TANROAD kibamba ameridhishwa na utekelezaji wa mradi huo na kumtaka mkandarasi kuendelea kufanya kazi kwa weledi pia mradi ukamilike kwa wakati vilevile amemshukuru Rais Dkt Samia Suluhu Hassan kwa uwekezaji mkubwa katika miundombinu ya barabara ambayo inatumia fedha nyingi

Aidha RC Chalamila pia aliweka Jiwe la Msingi Shule ya msingi Goba Mpakani ambapo aliwataka wanafunzi kusoma kwa bidii kwa kuwa Mhe Rais Dkt Samia Suluhu ameboresha na anendelea kuboresha miundombinu ya elimu na mazingira mazuri ya kujifunzia na kufindishia.

RC Chalamila akiwa katika msafara wake alikuwa akisimama mara kwa mara pale anapokutana na Wananchi wengi na kuwaeleza adhima ya Serikali katika kuziondoa Changamoto zianazo wakabili wakazi wa kibamba ikiwemo maji, umeme, urasimishaji na barabara ambapo amewahakikishia Serikali ni sikivu, kero zao zote zitaisha.

Vile vile RC Chalamila amesema Serikali inatambua Changamoto za usafiri wa Mwendokasi na hatua za kumaliza Changamoto hizo zimeanza kuchuliwa.

Sambamba na hilo RC Chalamila alifanya mkutano wa hadhara eneo la stop over kimara ambapo wananchi walipatiwa fursa ya kuuliza maswali ya Kero zao na kujibiwa papo hapo.

Mwisho RC Chalamila anatarajia kuendelea na ziara Jimbo la Ubungo Februari 26,2024 kukagua miradi, na kusikiliza kero za wananchi.