RAS MPYA DSM AKABIDHIWA OFISI RASMI

Posted on: July 29th, 2020

KATIBU TAWALA MPYA WA MKOA WA DAR ES SALAAM  AKABIDHIWA OFISI RASMI.

Mkuu wa Mkoa wa Dar es Salaam  Mhe Abubakar Kunenge amemkabidhi rasmi ofisi Katibu Tawala mpya wa Mkoa huo Bwana Paulo Mshimo Makanza ambaye anachukua nafasi hiyo kufuatia uteuzi uliofanyika hivi karibuni na Rais wa Jamuhuri ya Muungano wa Tanzania Mhe. Dkt John Pombe Magufuli.

Katibu Tawala mpya wa Mkoa wa Dar es Salaam Ndg Paulo Mashimo Makanza aliyeketi kulia na Mkuu wa Mkoa Mhe Abubakar Kunenge katika picha ya pamoja na wakuu wa Idara wakati wa makabidhiano ya ofisi .

Makabidhiano hayo yamefanyika leo katika ofisi ya Katibu Tawala wa Mkoa wa Dar es Salaam Ilala Boma na kuhudhuriwa na wakuu wa Idara wa ofisi hiyo ya Mkuu wa Mkoa.

Wakati wa makabidhiano hayo, aliyekuwa Katibu Tawala wa Mkoa wa Dar es Salaam Mhe. Abubakar Kunenge ambaye kwa sasa ndiye Mkuu wa Mkoa huo amemhakikishia Katibu Tawala mpya kuwa watendaji katika ngazi ya Mkoa na Halmashauri za Manispaa zote za Jiji la Dar es Salaam ni wachapa kazi, kwa kipindi chote akiwa katika nafasi hiyo wamemuonyesha ushirikiano wa kutosha katika utendaji kazi.

Lakini pia yako mafaniko makubwa ambayo Mkoa umepata katika nyanja anuai,kama vile Miundombinu,Elimu,Afya, Masoko, Utoaji wa mikopo ya 10%, Utawala bora na vingine vingi, sambamba na hilo yatupasa kuendelea kuongeza kasi ya ukusanyaji wa mapato ikiewemo kubuni vyanzo vipya vya mapato ili mapato yaongezeke mara dufu zaidi.

Aidha Ndg Paulo Mashimo Makanza amemshukuru Mkuu wa Mkoa na wataalam wote pamoja na wakuu wa Idara katika Mkoa huo, amewahakikishia kuchapa kazi kwa kuzingatia weledi na uwajibikaji mahala pa kazi pia kufanya kazi kwa umoja kwa kufuata Sheria, kanuni na taratibu za utumishi wa Umma.

Katibu Tawala mpya Bwana Paulo Mshimo Makanza akitoa neno baada ya kukabidhiwa ofisi na Mkuu wa Mkoa wa Dar es Salaam.

Katibu Tawala mpya amemshukuru Mhe Rais wa Jamuhuri ya Muungano wa Tanzania Dkt John Pombe Magufuli kwa kumteua kuchukua nafasi hiyo ya kuwa Katibu Tawala wa Mkoa wa Dar es Salaam, kwa heshima hiyo aliyopewa amehaidi kachapa kazi kwa kasi ya  juu ili kuwaletea maendeleo wana Dar es Salaam na Taifa la Tanzania kwa ujumla.

Baadhi ya wataalam ambao ni wakuu wa Idara katika ofisi ya Mkuu wa Mkoa wakisikiliza kwa makini wakati wa makabidhiano hayo.