Nane Nane 2018 : "Wekeza katika Kilimo, Mifugo na Uvuvi kwa Ajili ya Maendeleo ya Viwanda"

Posted on: August 5th, 2018

Mkoa wa Dar es Salaam kupitia Halmashauri zake zote umeendelea kutekeleza kwa vitendo kauli mbiu hiyo kwa kushiriki katika Maonesho ya 25 ya Nane Nane ya Mwaka 2018 Mkoani Morogoro.

Katibu Tawala wa Mkoa wa Dar es Salaam Bw. Aboubakar Kunenga ametembelea katika Maonesho ya Nane Nane kuona mambo yanavyoendelea katika Maonesho hayo ambapo amejionea vipando mbalimbali, mabwawa ya samaki, mbuzi wa kisasa, Ng’ombe, bila kusahau wajasiliamali wakiwa na bidhaa mbalimbali zenye ubora na viwango na zinapatikana kwa bei nafuu kabisa.

Aidha amejionea uwepo wa wataalamu wa idara ya kilimo pamoja na wakulima, wafugaji, wavuvi, ambao wanajishughulisha na shughuli hizo katika wilaya zao  wakitoa maelezo na kufundisha namna gani unaweza kufuga, kulima, uvuvi ukiwa mjini na ukajipatia kipato cha kukuwezesha kujikimu katika maisha ya kila siku.