Kiwanda cha Dabrew Chakabidhiwa Rasmi kwa Serikali ya Mkoa

Posted on: May 2nd, 2024

Mkuu wa Mkoa wa Dar es Salaam Mhe Albert Chalamila leo Mei 2, 2024 ameshuhudia makabidhiano ya kiwanda cha Dabrew ambacho kilikuwa kinazalisha pombe aina ya Chibuku kutoka TBL kampuni ambayo ilikuwa inamiliki kiwanda hicho hapo awali.

RC Chalamila akiongea na waandishi wa Habari amesema dhamira ya Mkoa ni kukihuisha kiwanda hicho ili kiwe cha kisasa zaidi, kiweze kuzalisha bidhaa za vinywaji katika ubora wa juu ili kukidhi ushindani wa soko

"Tunafanya hayo kwa maelekezo ya Rais wa Jamhuri ya Muungano wa Tanzania Dkt Samia Suluhu kututaka kusimamia na kuboresha mazingira ya uwekezaji Katika mikoa " Alisema RC Chalamila

Vilevile kwa upande TBL wamemhakikishia mkuu wa Mkoa kuendelea kutoa ushirikiano kwa Serikali ya Mkoa hadi hatua ya mwisho ya makabidhiano hayo.

Aidha katika makabidhiano hayo nyaraka mbalimbali zimekabidhiwa ikiwemo cheti cha usajiri wa Kampuni, kadi za magari 17, hati miliki ya kiwanda, mahesabu ya Kampuni pamoja na check list ya vitu vilivyohakikiwa.

Mwisho hafla ya makabidhiano hayo imehusisha wataalam mbalimbali wakiongozwa na Katibu Tawala wa Mkoa Dkt Toba Nguvila, Wakuu wa Wilaya ya Kinondoni, Ilala Temeke, na Kigamboni pamoja na wakurugenzi pia waheshimiwa Mameya  na wanasheria vilevile wataalam kutoka TBL