Dar es salaam ni Salama Sana,Kila Mmoja Aendelee Kudumisha Amani Msimu huu wa Sikukuu

Posted on: December 24th, 2023

Mkuu wa Mkoa wa Dar es Salaam Mhe Albert Chalamila leo Disemba 24,2023 ametoa Salamu za Sikukuu ya Christmas na mwaka mpya 2024 kwa wakazi wa Mkoa huo na Watanzania kwa ujumla kupitia vyombo vya habari Ofisini kwake Ilala Boma.

Akitoa Salamu hizo RC Chalamila amesema Dar es Salaam ni salama sana, ambapo ametoa rai ya kuendelea kudumisha amani katika msimu huu wa sikukuu, " Tumeimarisha Utambuzi, DSM ni shwari ulinzi na usalama umeimarishwa" Alisema RC Chalamila.

Vilevile RC Chalamila ameendelea kusistiza umuhimu wa usafi katika mazingira yetu ili kupambana na magonjwa ya milipuko hususani kipindupindu, kutokana na mvua zinazoendelea kunyesha, Serikali ya mkoa imeshajipanga kuanza kunyunyiza dawa ili kuua mazalia ya mbu lakini pia kuanza kurekebisha barabara na vivuko vilivyo halibiwa na mvua

Aidha Mhe Mkuu wa Mkoa amesema hakuna mtoto atakaye shindwa kwenda Shule mazingira yote yako vizuri  ikiwemo vyumba vya madarasa na madawati hivyo tuendelee kuhimiza Wazazi  kupeleka watoto Shule

Mwisho RC Chalamila amewatakia wakazi wa DSM na Watanzania heri ya Sikukuu na mwaka mpya 2023 na Disemba 30 ,2023 anatarajia kuwa na Mkutano Mkubwa na Waandishi wa Habari ampapo amesma wata muda mzuri wa kuzungumza mengi